Close Menu
  • الرئيسة
  • الأخبار
  • مقالات مختارة
  • مواقع التواصل
  • الوسائط المتعددة
  • مع الإنسان
  • من نحن؟
  • للتواصل والدعم
Facebook X (Twitter) Instagram YouTube WhatsApp Telegram SoundCloud
Facebook X (Twitter) Telegram
شؤون إسلاميةشؤون إسلامية
  • الرئيسة
  • الأخبار
  • مقالات مختارة
  • مواقع التواصل
  • الوسائط المتعددة
  • مع الإنسان
  • من نحن؟
  • للتواصل والدعم
شؤون إسلاميةشؤون إسلامية
مع الإنسان

قصة الدكتورة بسمة رفعت وزوجها.. هددوها بالاغتصاب وعذبوها وحرموها من أولادها

شؤون إسلاميةBy شؤون إسلاميةالإثنين, 18 يناير 2021Updated:الإثنين, 18 يناير 2021لا توجد تعليقات3 Mins Read

الرسالة البسيطة دي اللي يبان صاحبها حد عفوي خفيف الظل، اتكتبت في 2016، من قلب سجن القناطر نساء.
صاحبة الرسالة اسمها بسمة رفعت، المتهمة الوحيدة في قضية #اغتيال_النائب_العام، والمحكوم عليها ب15 سنة سجن، وعلى جوزها بالمؤبد.
واحدة من قصص الظلم البشعة في القضية اللي الناس فضلت تقول فيها الله أعلم دول قتلوا وعملوا ولا لأ وماحدش عارف، حكاية طبيبة مصرية شابة كانت منتظرة شهادة الماجيستير اللي مخلصاه، زوجة وأم، هحاول ألخص 5 سنين عذاب مرت بيهم في كم سطر.

– 6 مارس 2016، ظابط سابق بالجيش، العقيد مهندس ياسر إبراهيم عرفات، كان نازل من شقته المعروف مكانها عادي، ركب عربيته، واختفى، فجأة كده. وكأي حد في مكانها، نزلت مراته د.بسمة رفعت عبدالمنعم تدور عليه في الأقسام وتعمل بلاغ؛ اختفت هي كمان.
– د.بسمة والعقيد ياسر اختفوا، وسابوا طفلين واحد منهم رضيع، (يوسف سنة وشهرين، سلمى 5 سنين) في رعاية جدتهم المسنة اللي عمرها فوق ال70.

– أيام عدت وماحدش عارف الزوجين فين، لحد ما ظهروا في النيابة عليهم آثار تعذيب وهدومهم مبهدلة، وظهروا متوجه لهم تهمة اغتيال هشام بركات، بدون أدلة ولا شهود ولا أي حاجة، غير معرفتهم بطبيب مصري من الاخوان مقيم بالخارج، وكانوا عارفينه من مؤتمرات طبية، والطبيب ده اسمه في القضية.
– الأمن قال لد.بسمة كلها 10 أيام وتطلعي، وفتحوا فيسبوك ومالقوش حاجة، لكن ولأن شهادة فرد أمن “مصدره مجهول” زي ما مكتوب في الورق أهم من أي دليل، كان لازم بسمة تتضاف في القضية حتى لو مافيش أي حرز أو دليل، وعشان تمضي على الورق، عذبوا الطبيبة الشابة وهددوها بالاغتصاب.
– تهديد الاغتصاب اللي دفعها توقع على اعترافات أمن الدولة اللي كتبها، ذكرته د.بسمة قدام القاضي اللي تخيلت إنه هينصفها، لكن المستشار المحترم حسن فريد تجاهل الأمر وحكم عليها ب15 سنة مشدد وعلى زوجها العقيد ياسر بالإعدام، اللي خففه النقض لمؤبد.
– ده فيديو كلامها قدامه

https://www.facebook.com/mah.mma/videos/10154626508656495

https://shuounislamiya.com/wp-content/uploads/2021/01/111.mp4

– 5 سنين اتمنعت فيهم من الزيارة شهور، عملت فيهم إضراب عشان تشوف عيالها، وتعبت فيهم مرات بعد إصابتها بتورم في الصدر نتيجة الفطام القهري لابنها يوسف، غير مشاكل في صمامات القلب وجفاف في الجلد وتساقط الشعر وغيره.
– 5 سنين عدوا على بسمة الأم بعيد عن أولادها، بنتها سلمى أغلب وقتها بتقضيه في الرسم، بترسم صور ليها هي ومامتها وباباها وأخوها وهم متجمعين، وفي واحدة من الزيارات بتعيط لوالدتها وتقولها ماعرفتش أرسم بابا لأني مابقتش فاكره شكله”.
– من رسايل بسمة لوالدتها: “لطالما حبست دموعي حتي لا تؤلمك، لا تكفيني تلك الدقائق التي أكحل عيني فيها بزيارتك، أود ان ألقي بنفسي بحضنك أبث إليكي كل ما لاقيته من ظلم وقهر وأخبرك كم هو صعب علي بعدي عنك وعن أبي وعن أطفالي، وعن زوجي الحبيب”، “طفلي الرضيع لم يعد يعرفني ولم يعي انني أمه وينظر إليَّ كل مرة وكأن عيناه تعاتبني ( أين ذهبتي وتركتيني ؟! ) وطفلتي ذات الخمس أعوام دخلت عامها الدراسي ولست معها ..ولا يوجد من يرعاهم غير أبي وأمي اللذان يتعدا عمرهم 72 عاما, فزوجي أيضا محبوس على ذمة نفس القضية يمكث في سجن الموت -العقرب- ”
دي واحدة من آلاف الأسر اللي اتدمرت، والأطفال اللي اتيتمت وأهاليهم عايشين، قصص الظلم في مصر ما بتخلصش، وكل ده عشان واحد عاوز يثبت نظامه وملكه بأي شكل..
#الحرية_لبسمة_رفعت
#الحرية_للمعتقلين

سلمى الخشن

مقالات متعلقة

محمد شمس الدين واتهام خصومه بالطعن في الصحابة والعلماء.. رمتني بدائها وانسلت!

الأحد, 20 أبريل 2025

محمد شمس الدين يحاول إشعال الفتنة بين المسلمين في سوريا

الخميس, 13 مارس 2025

صليب وزير خارجية أمريكا والدجال!

الخميس, 6 مارس 2025
شؤون إسلامية

قناة توعوية لنشر قضايا المسلمين وأخبارهم حول العالم ومواجهة الحملات التي تستهدف تشويه صورة الإسلام وتحريفه. رأينا نعرضه ولا نفرضه، وقولنا مُعلم وليس بملزم.

وسائل التواصل
أحدث المقالات
  • محمد شمس الدين واتهام خصومه بالطعن في الصحابة والعلماء.. رمتني بدائها وانسلت!
  • محمد شمس الدين يحاول إشعال الفتنة بين المسلمين في سوريا
  • صليب وزير خارجية أمريكا والدجال!
  • مسلسل معاوية: تزييف التاريخ وإعادة إحياء الفتن!
  • محمد شمس والدفاع الموسمي عن النبي صلى الله عليه وسلم: غيرة صادقة أم مجرد مزايدات رخيصة؟
https://www.youtube.com/watch?v=N3XEk_m1LSs
Facebook X (Twitter) Instagram YouTube WhatsApp Telegram SoundCloud
جميع الحقوق محفوظة لموقع شؤون إسلامية © 2025.

Type above and press Enter to search. Press Esc to cancel.