طيب بصوا يا جماعة انا ماكنتش عايز اتكلم علشان ما اخضش الناس، بس حقيقي الناس مش عارفة احنا رايحين فين و لسة فاكرة ان زي ما الصين عدت في ٣ شهور و ٣٠ الف اصابة احنا كمان هنعدي.
ببساطة اللي الصين عملته ماحدش تاني هيعرف يعمله.
اللي بتشوفه في إيطاليا هو ده الوضع الطبيعي اللي كلنا رايحنله عالميا أوروبا قبل مصر.
كل الموضوع ان فيه واحد سابق ب٣ أسابيع عن التاني في رحلة عمرها سنة و نص فمش هتفرق كتير و لسة الأسوأ الذي لا يمكن تجنبه بعيد جدا (انا باتكلم عن أوروبا، احسبها انت لوحدك على مصر).
لو عايز التفسير العلمي هتلاقيه في ورقة السياسة الصحية اللي كانت ملحقة بمؤتمر رئيس وزراء انجلترا مع ال ٢ علماء. و اللي طالعة من ال Imperial College of london. الورقة دي كل الدول قريتها و هي اللي خلت ميركل و رئيس وزراء هولندا و امريكا يطلعوا يقولوا احنا ميتين ميتين. بس للاسف احنا ما قرينهاش لا افراد ولا حكومة.
هتلاقي الورقة في اول تعليق بس طبعا فيه ورق تاني يكملها هو اللي خلاهم يطلعوا يقولوا (احنا هنموت ودعوا احبابكم)
ببساطة المعلومات المهمة من غير التفاصيل الدرامية اللي تخوف هي اللي قالوها رؤساء الوزراء في أوروبا و هي تنطبق على كل العالم.
٧٠٪ من الناس هيجيلها الفيروس،
الفيروس مش هيروح ده مقضيها معانا و هيرجع كل سنة بشكل مختلف زي الانفلونزا العادية.
الصين ما اتعالجتش ولا حاجة و راجعلها تاني في شهر ٨ (ده زي نموذج الاسبانية ٣ موجات اضخمها الوسطى) لانه اصلا ماحصلش علاج بل حصر.
الوفيات ضخمة (في هولندا مثلا متوقع ٢٥٠ الف في ١٦ مليو نسمة)
الحظر شغال معانا حبة حلوين انسى الاسابيع و الشهرين ثلاثة. (منتصف الاحداث شهر ٧ فالحظر شغال لشهر ٩) في احتمال كبير يكمل للربع الاول من ٢٠٢١ بس هيحاولو يخلوه ٢/٣ من الوقت.
لازم نشغل كل المصانع تنتج وحدات عناية مركزة و مستلزمات طبية علشان ننقذ نسبة معقولة من اللي هيموتوا.
العاملين في المجال الطبي لازم نعملهم ظروف حياة استثنائية و نخلي مدارس مخصوصة لولادهم علشان مايسبوش الشغل و يعدوا جنبهم. ولو ماعملناش كده هيحصل انهيار و نحتاج ٦ – ٨ اضعاف حجم التجهيز الطبي.
الاقتصاد رايح في داهية فاجمدوا و امسكوا نفسكم علشان فيه مفاجئات ما اتشافتش قبل كده جايه.
العلاج الدنيا فيه مش وردي ولاحاجة. الشئ الاكيد هو العلاج اللي هيطلع في نهاية الربع الثاني ٢٠٢١. كل اللي قبله دي حاجات ظريفة ( وكثير من اللي بتسمعه كلام جرايد هم ٣ ادوية بس اللي ظريفة)
لو حبينا نقلل الوفيات الاقتصاد هيضرب و لو حبينا نحسن الاقتصاد الوفيات هتزيد لازم تخسر واحدة منهم و تخسر كتير. لان تقليل الوفيات وسيلته الوحيدة تخفيض السرعة ليكون قمة الوباء في شهر ١١ و نهاية الحظر في اول الربع الثاني من ٢٠٢١ و الاقتصاد اصلا هيبتدي يقع بعد ٣ شهور حظر. ولو حبيت تحسن الاقتصاد. هتسيب الناس تموت (ده لو عرفت تعملها) يبقي في خلال ٣-٤ هيكون ٧٠٪ من الكوكب مصاب، و ههتترحم علي ايام ايطاليا لما كانوا بيسيبوا العواجيز تموت.
دي المعلومات الاساسية. اكتر من كده ما تحاولش تعرف مالوش لازمة. و حتى لو عرفته ماتحاولش تنقله للناس علشان مايحصلش جزع. دي المعلومات اللي تحمي عيلتك على اساسها. و خليك اول باول متابع الجرايد و الحكومات الاجنبية (اختارلك دولة كويسة و خليك ماشي مع المستجدات اللي بينصحوا بيها شعبهم)
طب ده معناه اننا هنموت كلنا؟ (بصوت احمد بدير) لا خالص. انا شخصيا مفهم ولادي اننا هنعيا و عادي خالص زي اي دور برد. بالعكس اللي هيعيا بدري هيلاقي مكان يتعالج فيه لو احتاج. المشكلة في اللي هيعيا في الزحمة. بس كله هيعيا و الغالبية هتخف ان شاء الله.
رابط ورقة السياسات الصحية: هنـــا
عمرو فاروق
https://www.facebook.com/a.farouk/posts/10158687328019903